Kim sana zâkir olursa gözleri giryân olur Kim sana şâkir olursa ciğeri biryân olur

1Kim sana zâkir olursa gözleri giryân olur Kim sana şâkir olursa ciğeri biryân olur

2Cennetü’l-Firdevs’e bakmaz maksudu sensin hemân Vechini kim gördü ise zâr ü zâr giryân olur

3Vâhid ü Ferd ü Ahad’sın cân içinde şübhe yok Sırrına kim erdi ise âkıbet üryân olur

4Zâtını zikr eylemek in‘âm ü ihsândır bize Kim seninle yâr olursa gönlü gülistân olur

5Tayyib ü tâhir olan anlar bu remzi hâl ile Kim sana cânın verirse zâtına fermân olur

6İ‘tibârı mâsivânın gayr-ı Hak’dandır bize Kim ana mazhar olursa câhil ü nâdân olur

7İlm ile hilmin kemâli tevhidin esrârıdır Fazlına kim erdi ise ma‘nada insân olur

8Cümle mü’min fazlın ile emrine fermân senin Kim sana kul oldu ise âleme sultân olur

9Sormağa âr etdiler ma‘nâ-yı mutlakdan haber Kim sana mihmân olursa sîreti îmân olur

10Kâlini hâl etmeyen bilmez ibâdet nediğin Kim sana yakîn olursa ameli Kur’ân olur

11Zühd ü takvâ ameli Vâhib’e zâtındır senin Kim sana hem-râz olursa aşk ile handân olur