Hâk içinde hâk olaldan mest ü hayrân olmuşam Duyalı can zevkini gayrıdan üryân olmuşam

1Hâk içinde hâk olaldan mest ü hayrân olmuşam Duyalı can zevkini gayrıdan üryân olmuşam

2Aşk-ı sâfînin kelâmı sînemi çâk eyledi Düşeli bu tevhide deryâ-yı ummân olmuşam

3Âlem-i hayret makâmın geçdi cânım hâl ile Bî-nişân ü lâ-mekân zâtında pinhân olmuşam

4İhtiyârımla değildir söyleyip şerh etdiğim Şübhesiz hakka’l-yakîn zâtında kurbân olmuşam

5Mürşidim Ahmed yüzünden gördüğüm nûr-ı İlâh Ol sebebden her nefes ben zâr ü giryân olmuşam

6Aç gözün kaldır hicâbı gör neler söyler bu cân Tâz’açılmış gül gibi vechinde handân olmuşam

7Vâhib Ümmî ma‘şukundan aldığın söyler sana Âteş-i aşk içre ben la‘l ile mercân olmuşam