tarikat.org1Gör e gör e şol aşkı ol Âdem’e uğramış Ol Âdem’in yaşını yerde mercân eylemiş
2Gör e gör e şol aşkı Nûh nebîye uğramış Nûh nebînin gazabın kahr-ı tûfân eylemiş
3Gör e gör e şol aşkı ol Eyyûb’a uğramış Ol Eyyûb’un âhını sâfî îmân eylemiş
4Gör e gör e şol aşkı İbrâhîm’e uğramış İbrâhîm’e âteşi gül gülistân eylemiş
5Gör e gör e şol aşkı ol Mûsâ’ya uğramış Ol Mûsâ’nın asâsın gökçek evran eylemiş
6Gör e gör e şol aşkı ol Yûsuf’a uğramış Ol Yûsuf’u kul iken Mısr’a sultân eylemiş
7Gör e gör e şol aşkı ol Îsâ’ya uğramış Oy Îsâ’nın rûhunu gökde pinhân eylemiş
8Gör e gör e şol aşkı Peygamber’e uğramış Peygamber’in mu‘cizin azîm Kur’ân eylemiş
9Gör e gör e şol aşkı ol Alî’ye uğramış Ol Alî’nin sırrını nûr u arslan eylemiş
10Gör e gör e şol aşkı ol güneşe uğramış Ol güneşin yüzünü yere yeksân eylemiş
11Gör e gör e şol aşkı ol Ferhâd’a uğramış Ferhâd ile Şîrîn’i mest ü hayrân eylemiş
12Gör e gör e şol aşkı ol Mecnûn’a uğramış Ol Mecnûn’u gayrıdan soymuş üryân eylemiş
13Gör e gör e şol aşkı ol Mansûr’a uğramış Ol Mansûr’un rûhunu Hakk’a pinhân eylemiş
14Gör e gör e şol aşkı âşıklara uğramış Âşıkların gönlünü yakmış külhân eylemiş
15Gör e gör e şol aşkı ol bülbüle uğramış Ol bülbülün efgânın nazm-ı destân eylemiş
16Göre göre şol aşkı ol denize uğramış Ol denizin mevcini la‘l ü mercân eylemiş
17Gör e gör e şol aşkı bahr-ı hayât’uğramış Bahr-ı hayât yağdırıp yere nisân eylemiş
18Gör e gör e şol aşkı bir katreye uğramış Ol katrenin içini bahr-ı ummân eylemiş
19Gör e gör e şol aşkı ol İblîs’e uğramış Ol İblîs’in tahtını yıkmış virân eylemiş
20Gör e gör e şol aşkı ol kocaya uğramış Ol kocanın pîrliğin tâze civân eylemiş
21Gör e gör e şol aşkı Yiğitbaşı’ya uğramış Yiğitbaşı irşâdın derde dermân eylemiş
22Gör e gör e şol aşkı ol Vâhib’e uğramış Ol Vâhib’in nutkunu âb-ı hayvân eylemiş