tarikat.org1Zevk içün hem şevk içün âşıklara devrân gerek Zâtını seyr etmeğe âşıklara bürhân gerek
2Gıll u gışdan kalbimin âyînesin pâk etmeğe Geçmeğe cümle hicâbdan mürşidin merdân gerek
3Şeş cihâtın perdesinin gafletinden fâriğ ol Aç gözün kaldır hicâbı düşdüğün ummân gerek
4Rûhumun zevk-i kemâlinden sana budur hitâb Sırr-ı hikmet mantıkından söyleyen irfân gerek
5Zâhir etme bu kelâmın ma‘nasın eyle nihân Bakdığınca her nazarda gördüğün Rahmân gerek
6Anlayıp fehm etmeğe bu tevhidin ahvâlini Bu vücûdun hânesi kardaş senin vîrân gerek
7Zâhid inkâr etmesin gel ver haber sen Vâhibî Bu kelâmın ma‘nası hem âyet-i Kur’ân gerek
8Anlamak bilmek budur li’llâh ü fi’llâh hakkıçün Aldığın mürşid yüzünden la‘l ile mercân gerek
9Nûr-ı Hak’dan cânına budur hidâyet Vâhibî Dört kitâbın ma‘nası cânında ol pinhân gerek