Mü’minin zikr etdiği nûr-ı cemâlu’llâhdır Mü’minin fikr etdiği nûr-ı kemâlu’llâhdır

1Mü’minin zikr etdiği nûr-ı cemâlu’llâhdır Mü’minin fikr etdiği nûr-ı kemâlu’llâhdır

2Gayrıdan sâfî mücerred olduğum ma‘nâ budur Anlamak bilmek hemân tevhîd-i zâtu’llâhdır

3Nefsini fehm etdin ise ebter olmazdır sonun Dilimin şerh etdiği nûr-ı kelâmu’llâhdır

4Ârif olan böyl’olur bu tevhidin ahvâline Kalbimin içind’olan ol “küntü kenz”u’llâhdır

5Dilime Hak’dan gelen esrâr-ı aşkdır şübhe yok “Urvetü’l-vüskâ” hakkı insânda sırru’llâhdır119

6Taşra bakmaz ârif-i bi’llâh olan dost zâtına Anladınsa “lâ” deme aşkdan selâmu’llâhdır

7Gam yemen şimden geri buldum murâdı cân ile Bî-nişân ü lâ-mekân zâtında seyru’llâhdır

8Şerh olunmaz ma‘nası vicdândır gelmez dilime Âşıka ihsân olan esmâ sıfâtu’llâhdır

9Anladınsa Vâhibî nûr-ı hidâyetden haber Halk işitmez ma‘nasın zikr-i hafiyyu’llâhdır