Gayrı yâr olmaz bize ehl-i safâ âşıklarız Tamu nâr olmaz bize ehl-i safâ âşıklarız

1Gayrı yâr olmaz bize ehl-i safâ âşıklarız Tamu nâr olmaz bize ehl-i safâ âşıklarız

2Âlem-i bezm-i elestden söyleriz bu tevhidi Aşk şarâbın içmişiz ehl-i safâ âşıklarız

3“Küntü kenz”in vahdetinden cânıma budur nidâ Şübhe yok şimden geri ehl-i safâ âşıklarız

4Cân ilinden cânıma verdi safâ ol Mustafâ Yetme mi şâhid bana ehl-i safâ âşıklarız

5Gönlüme ilhâm olan ma‘nâ benim birdir hemân İkilik yok arada ehl-i safâ âşıklarız

6Gel temâşâ kıl bugün vechinde yârin nûrunu Kıyl ü kâl lâzım değil ehl-i safâ âşıklarız

7Derde dermân sıdka îmân bulduğum ma‘nâ budur Vâhibî eyler hitâb ehl-i safâ âşıklarız