Hak’ın emrine baş eğmez müselmân olmayan kimse Hak’ın yoluna cân vermez müselmân olmayan kimse

1Hak’ın emrine baş eğmez müselmân olmayan kimse Hak’ın yoluna cân vermez müselmân olmayan kimse

2Biri zâhir biri bâtın bu ma‘nâyı bilen cândır Müsemmâdan haber almaz müselmân olmayan kimse

3Maânî içre ma‘nâdan haber veren sana cândır Ledünnîden haber bilmez müselmân olmayan kimse

4Bu vicdân-ı maârifdir bunu akl-ı beşer bilmez Bu kenzin sırrına ermez müselmân olmayan kimse

5Cemâlinin kemâlinden sana söyler bunu âşık Bilemez nefsini hergiz müselmân olmayan kimse

6Desem aklın kabûl etmez sana tevhîdin ahvâlin Eremez zâtına hergiz müselmân olmayan kimse

7Vehâbî derdmend miskîn hitâb eder sana söyler Bu sırra vâsıl olmazdır müselmân olmayan kimse