Müşteriysen gel beri la‘l-i Bedahşân cândadır Dört kitâbın ma‘nası âyât-ı Kur’ân cândadır

1Müşteriysen gel beri la‘l-i Bedahşân cândadır Dört kitâbın ma‘nası âyât-ı Kur’ân cândadır

2“Lâm elif lâ raybe”nin vechinden aldım dersimi16 Zâtını fehm etmeğe tevhîd-i irfân cândadır

3Ayn ü Şin ü Kaf içinde gördüğün söyler bu cân Arş ü kürs ü nüh-felek tahtında seyrân cândadır

4Aşk-ı sâfîden haber verdim sana hakka’l-yakîn Haddi yok pâyânı yok deryâ-yı ummân cândadır

5Men aref ma‘nâsına ârif olan anlar bunu Ma‘rifet bâğındaki ol verd-i handân cândadır

6Âşıkın ma‘şûkdan alıp verdiği ma‘nâ budur Aşk şarâbın nûş eden ol mest ü hayrân cândadır

7Cân gözüyle bakmayınca göremezsin vechini Evliyâ ser-çeşmesi ol şâh-ı merdân cândadır

8Anladınsa dinledinse tevhidin ahvâlini Ol şefâat sâhibi hükm-ıssı sultân cândadır

9Sen hidâyet kılmaz isen cânımız bulmaz şifâ Bildiğim budur benim hep cümle isyân cândadır

10Âşıkın ma‘şûkdan özge bir dahi yokdur sözü Şübhesiz hakka’l-yakîn lutf ile ihsân cândadır

11Ârifâne söylerin ahvâlini dinler misin Aklın ol efkârını çelmeğe çevgân cândadır

12Dile gelmez söylesem versem haber anlar mısın Sırr-ı hikmetden haber vermeğe Lokmân cândadır

13Var ise aklın senin aldanma gel taklîdine Hasta gönül derdine istendi dermân cândadır

14Derd-i-mend miskîn Vehâb’ın rûhu Hakk’ın emridir Eğri bakma doğru bak ol nûr-ı Yezdân cândadır