Cemâlinin hitâbını benim cânım nihân söyler Bu sevdâya düşen âşık bu tevhîdi ayân söyler

1Cemâlinin hitâbını benim cânım nihân söyler Bu sevdâya düşen âşık bu tevhîdi ayân söyler

2Muhammed Mustafâ vechin dile gelmez desem hergiz Bu ilhâm-ı maârifi dehânımdan zebân söyler

3İşi rızk ile riyâdır haberdâr olmamış aşkdan Murâdı Hak değil gayrı inanman siz yalan söyler

4Ne sırdır nüsha-i kübrâ anı âşık beyân eyler Dilinde zikr ü tesbîhi hemân baykuş virân söyler

5Kelâmu’llâh yeter şâhid ne gam şimden geri zâhid Muhammed vech-i zâtından gelir bunlar nişân söyler

6Gel imdi cân ile dinle sakın “lâ” deme sen zinhâr Bu tevhîdin muârızın sana kardaş imân söyler

7Âşık ma‘şûkdan almışdır sabahını ne gam zâhid Gülistândan dil’olmayan sözün küllî yavan söyler

8Kulak tut cân ile dinle var ise aklın idrâkin Bu insân kendi sırrından sana bir tercümân söyler

9Ne aklım var ne fikrim var bu ma‘nâda kasîrem ben Dizârının firâkından âşık miskîn figân söyler

10Gel imdi zikr ile fikr et eresin “Kâbe kavseyn”e96 Vehâb Ümmî bu tevhîdi nihân değil ayân söyler

11Âşıklara temessükdür bu ilhâm ile Rabbânî Kemâlin zübdesi sırrın gelir cânda revân söyler