Hakk’ın esmâsı sıfâtı ehline ayân imiş Gizli değil gün gibi cânımda ol pinhân imiş

1Hakk’ın esmâsı sıfâtı ehline ayân imiş Gizli değil gün gibi cânımda ol pinhân imiş

2Vechine mazhar olan âşıkların esrârı bu Bu kelâmı söyleyen âşık bugün mestân imiş

3Aşk bize gösterdi gördük kalmadı hiç şübhemiz Kâfire cennet bu dünyâ mü’mine zindân imiş

4Bu hayâlden zerrece verme nasîb yâ Rab bize Gayrıya meyl etdiren fehm eyledim şeytân imiş

5Aç gözün kaldır hicâbı gönlüne sen kıl nazar Taşraya kim bakdı ise câhil ü nâdân imiş

6Mü’minin kalbi Hak’ın mir’âtıdır ey muttakî Özünü fehm etmeyen insan değil hayvân imiş

7Dinler isen diyelim hakke’l-yakînden bir haber Tevhide baş eğmeyen ma‘mûr değil vîrân imiş

8“Lâ” diyen “illâ” demez aşk ehlinin esrârına Ma‘rifet ma‘nâsını fehm eylemez nâdân imiş

9Ma‘rifet pîrine sordum tevhidin ahkâmını Tevhide ikrâr edersen rehberin Kur’ân imiş

10Ehl-i şer‘am diye gezer fi‘li uymaz kavline Etdiği da‘vâ anın gerçek değil yalan imiş

11Akla gelmez çâre yokdur ma‘nadan vere haber Derdmend miskîn Vehâb’ın düşdüğü ummân imiş