Hû demek âşıklara hakka’l-yakîn dîzâr imiş Ma‘nasın fehm eyledim dîzâr ile bâzâr imiş

1Hû demek âşıklara hakka’l-yakîn dîzâr imiş Ma‘nasın fehm eyledim dîzâr ile bâzâr imiş

2Hâlimin kâlinden anla sen benim akvâlimi Tevhide baş eğmeyen yoldan çıkar azar imiş

3Hak Muîn verdi bana nefsimde buldum ma‘nasın Od u su toprak u yel ol rûhuma dört yâr imiş

4Gönlüme ilhâm olan ma‘nâyı dinle cân ile Âşıkın anlatdığı tevhiddeki envâr imiş

5Mürşidim Ahmed durur aşkdan haber veren bana Cânımı hayrân eden nutkumdaki esrâr imiş

6Âkil isen “lâ” deme gel müstemi‘ ol tevhide Evliyânın himmeti âşıklara serdâr imiş

7İmtihân lâzım gelir inanmayan kardaşlara Vâhib’in gönlü evin gelsin gören gülzâr imiş