Mustafâ’nın vechine tûbâ-yı Rahmân dediler Nutkunun esrârına âyât-ı bürhân dediler

1Mustafâ’nın vechine tûbâ-yı Rahmân dediler Nutkunun esrârına âyât-ı bürhân dediler

2Bildiler dîvâneler tevhîd ile aslın senin Şübhesiz hakka’l-yakîn sadrında îmân dediler

3Fâtiha vechin senin lâzım değil gayrı kelâm Hûb dehânından çıkan vahy ile Kur’ân dediler

4Akla gelmez medh edem vasfın senin ey nûr-ı Hak Sırrının ma‘nâsına deryâ-yı ummân dediler

5Vechine mazhar olan âşıkların budur sözü Zâtının envârını rûhunda pinhân dediler

6Dört kitâb şâhid yeter lâzım değil gayrı kelâm Âlem-i ma‘nâ sana gün gibi ayân dediler

7Kendi nûrundan yaratmışdır seni ol pâk-i zât Anın içün ol sebebden sana sultân dediler

8“Rahmeten li’l-âlemîn”sin dü cihânda yâ Resûl78 Kim sana baş eğmediyse ana şeytân dediler

9Vâhibî hakke’l-yakînden şerh eder tevhîdini Rûhunun sırrındadır ol nûr-ı Yezdân dediler