tarikat.org1Erenlerden sır sorana dokuz türlü nişân gerek Evvel kapı şerîatdır güneş gibi ayân gerek
2Âyet ile hadîs ile verdim haber anlayana Bundan öte içeriye levvâmeye seyrân gerek
3Şerîatden tarîkatden içerisi sır ilidir Akıl ana ârif olmaz mülhemeye vicdân gerek
4Dördüncüsü mutmainne Mansûr bilir bu menzili Er yüzünden erişmeğe ikrâr eder bir cân gerek
5İhtiyârım elde değil lâzım geldi söylemesi Beşincisi kerâmetdir ayân değil nihân gerek
6Yol erinin tevhîdini ârif gerek anlamağa Altıncısı marzıyyedir bunda bürhân Kur’ân gerek
7Yedincisi safiyyedir halka ayân etmek olmaz Bundan geçip ulaşmağa cân hazrete kurbân gerek
8Sekizinci makâm budur ayne’l-yakîn hakka’l-yakîn Gerçek âşık bu meydânda gayru’llâhdan üryân gerek
9Vâhib Ümmî’nin tevhîdi hâtırına güç gelmesin Bu ma‘nâyı fehm etmeğe sâfî nûrdan insân gerek
10Dokuz sıfatdan içeri bir sır dahi sizde gerek İnsan adın burda koyup mahv u garkda pinhân gerek
11Vâhib Ümmî başı cânı terk eyledi dîzâr içün Bu kelâmı zikr eyleyen ma‘nî evinde sultân gerek
12Hitâb eyler gelip söyler içeriden bu taşraya Saklamağa genc-hâneyi ma‘mûr değil vîrân gerek
13Benim hâlim sorar isen ne yerdeyim ne gökdeyim Ma‘nâ sırrın söyleşmeğe bunda gelmiş yârân gerek
14Âriflerin remz etdiği nedir sana dinlendi-gör Bu tevhîde inanmayan kardaşlara yalan gerek
15Vâhib Ümmî dinler isen söz ma‘nâsın anlar isen Zikrin ile fikr etdiğin sâfî senin Sübhân gerek