tarikat.org1Ne şekkim var benim sana İlâhî Hemân birsin hemân birsin İlâhî Sana lâyık kulun sensin penâhı Hemân birsin hemân birsin İlâhî
2Ne önün var ne sonun var İlâhî Kime kılsan nazar kalmaz günâhı Saâdet tâcıdır âşık külâhı Hemân birsin hemân birsin İlâhî
3Bî-nişânsın nişânın sen bilirsin Bu sırrın ma‘nasını sen bilirsin Cân gözünün gördüğün sen bilirsin Hemân birsin hemân birsin İlâhî
4Vezîrin yok şerîkin yok Ahad’sın Kimesneden ümîdin yok Samed’sin Zevâl yokdur sana Hayy-i ebedsin Hemân birsin hemân birsin İlâhî
5Dilim zikr etdiği sun‘un kemâli Cânım hayrân eden zâtın cemâli Nasîb etdin şükür âb-ı zülâli Hemân birsin hemân birsin İlâhî
6Velîler gözüne günden ayânsın Gönüller içine hikmet koyansın Zuhûrundan görünmezsin nihânsın Hemân birsin hemân birsin İlâhî
7Senin takrîrine âciz bilimiz Şükür fazlın ile söyler dilimiz Sahîh tevhîd budur dedi pîrimiz Hemân birsin hemân birsin İlâhî
8Hakîm’sin dertlere dermân edersin Âşıklar gönlünü seyrân edersin Şarâb-ı şevk ile mestân edersin Hemân birsin hemân birsin İlâhî
9Kadîr’sin kudretin künhü bilinmez Taşradan bakana vechin görünmez Muhabbet güneşi her-giz dolanmaz Hemân birsin hemân birsin İlâhî
10Senin âşıkların giyer abâyı Senin âşıkların çeker cefâyı Senin zikrin verir câna safâyı Hemân birsin hemân birsin İlâhî
11Senin lutfun bize çokdur Kerîm’sin Ne gam sen cümleye Rahmân Rahîm’sin Kelâmu’llâh yeter Şâhid Alîm’sin Hemân birsin hemân birsin İlâhî
12Senin cevrin bize nûr-ı saâdet Komuşsun âşıka sen bunu âdet Erişdi cânıma hâlen hidâyet Hemân birsin hemân birsin İlâhî
13Ne kim var eyledin yokdan yetirdin Rızıkım kısmetim yerden bitirdin Şükür yâ Rab bizi hâkden getirdin Hemân birsin hemân birsin İlâhî
14Yürekde cânıma etdin hitâbı Bu-y-imiş âşıka sırrın kitâbı Cemâlinden götürdün sen nikâbı Hemân birsin hemân birsin İlâhî
15Sınık gönüllere ilhâm edersin Sınık gönüllere in‘âm edersin Vehâbî abdine ihsân edersin Hemân birsin hemân birsin İlâhî