Dilerse cânımı üryân eder aşk Dilerse cânımı biryân eder aşk

1Dilerse cânımı üryân eder aşk Dilerse cânımı biryân eder aşk

2Bu zikrin ma‘nası âşıka dîzâr Dilerse cânımı sultân eder aşk

3Makâli sırrının budur kemâli Dilerse cânımı Lokmân eder aşk

4Vücûdumda eser komaz yakar hep Dilerse cânımı külhân eder aşk

5Muhabbet ehlinin budur nişânı Dilerse cânımı destân eder aşk

6Gönülde gam komaz şevkin şarâbı Dilerse cânımı mestân eder aşk

7Özümün sözünün fehm et meâlin Dilerse cânımı bürhân eder aşk

8Elimde ihtiyârım gitdi yokdur Dilerse cânımı kurbân eder aşk

9Suâl lâzım değil verdim cevâbı Dilerse cânımı vîrân eder aşk

10Akılda kâsırım ben beni bilmem Dilerse cânımı ummân eder aşk

11Nihân eyler ayân etmez cemâli Dilerse cânımı pinhân eder aşk

12O sûretden münezzeh pâdişâhdır Dilerse cânımı seyrân eder aşk

13Anın nûru açar gönül gözünü Dilerse cânımı handân eder aşk

14Kokusu tevhidin tutdu dimâğım Dilerse cânımı reyhân eder aşk

15Vehâb’ın umduğu yârin likâsı Dilerse cânımı ihsân eder aşk

16Gönül görmek diler zâtın İlâhî Dilerse cânımı mihmân eder aşk

17Çağırıp derd ile söyler zebânım Dilerse nutkumu irfân eder aşk

18Melâmet hırkası şâlın giyelden Dilerse cânımı sultân eder aşk

19Irağ etmez yakın eyler Hudâ’ya Dilerse cânımı kurbân eder aşk

20Hastayım kalmışam bu derd içinde Dilerse cânıma dermân eder aşk

21Cemâli bâğının verd-i zibâsın Dilerse cânıma gülşen eder aşk

22Benim rûhum anın âyînesidir Dilerse cânımı mercân eder aşk

23Vehâb’ı söyleden aşkın kemâli Dilerse cânımı merdân eder aşk