tarikat.org1Cemâli gönlüme mihmân olupdur Anınçün cânıma cânân olupdur
2Dilimde zikrimin dâim bekâsı Canımda ma‘nası pinhân olupdur
3Muhabbet tevhid-i zâtın dizârı Niceler bunda ser-gerdân olupdur
4Akıl ermez haber vere likâdan Anın vechin gören hayrân olupdur
5Bu derdin yaresi hergiz onulmaz Anınçün sineler uryân olupdur
6Âşıkın derdinin olmaz devâsı Bu derd âşıklara dermân olupdur
7Gelir söyler bana sırren ilhamı Bi-hamdi’llâh adım insân olupdur
8Dedirtdiler dedim vallâh bu şi‘ri Bu sırra ermeyen hayvân olupdur
9Alan veren odur ehline ma‘lûm Gönül tahtı ana dükkân olupdur
10Gel imdi dinle gör aşkın hayâtın Dimâğımdan çıkan reyhân olupdur
11Bu vuslat ma‘nası hiç dile gelmez Vücûdum hânesi ummân olupdur
12Hak’ın zâtın sıfâtın bilmek içün Bu tevhîd cümleye bürhân olupdur
13Nice şâd olmasın cânım bu şevke Vücûdum âlemi gülşen olupdur
14Âşıklar şem‘-i pür-nûr-ı Muhammed Yolunda cümlesi kurbân olupdur
15İçelden câmını aşkın Vehâbî Açılıp gül gibi handân olupdur