Vâhid ü Ferd ü Ahad’sın cân içinde şübhe yok Sırrına kim erdi-y-ise âkibet üryân olur

1Vâhid ü Ferd ü Ahad’sın cân içinde şübhe yok Sırrına kim erdi-y-ise âkibet üryân olur

2Zâtını zikr eylemek in‘âm-ı ihsândır bize Kim seninle yâr olursa gönlü gülistân olur

3Tayyib ü tâhir olan anlar bu remzi hâl ile Kim sana cânın verirse zâtına kurbân olur

4İ‘tibârı mâsivânın gayr-ı Hak’dandır bize Kim ana mazhar olursa câhil ü nâdân olur

5İlm ile hilmin kemâli tevhidin esrârıdır Fazlına kim erdi ise ma‘nada insân olur

6Cümle mü’min fazlın ile emrine fermân senin Kim sana kul oldu ise âleme sultân olur

7Sormağa âr etdiler ma‘nâ-yı mutlakdan haber Kim sana yakîn olursa ameli Kur’ân olur

8Kâlini hâl etmeyen bilmez ibâdet nediğin Kim sana mihmân olursa sîreti îmân olur

9Zühd ü takvâ-yı amel Vâhib’e zâtındır senin Kim sana hem-râz olursa aşk ile handân olur