İçerü gel anlar isen söyleyen irfana bak

1İçerü gel anlar isen söyleyen irfana bak

2Hâl diliyle sana bir bir nutk eden hayvana bak

3Ehl-i diller sükût üzre kamusu münzevi

4Başını hırkaya çekmiş şu yatan aslana bak

5Buyrulan emrin hilafı alınan tedbîr kamu

6Münkir ü kâfir münafık katil olan Mervâna bak

7Hazret-i Kuran şer’ün hılâfıdur fetva bu dem

8Her biri bir zulûme müncer olan fermana bak

9Zahirî Efrenc görünür gizlidür adâ-yı dîn

10Hak yolunda akıbet zebh olunan kurbâna bak

11Rûmeli etmez itaat böyledür encâm-ı kâr

12Anadolu canibinde sen olan isyâna bak

13Ğayretullâh zuhur itdi zuhur eyler hemân

14Hazret-i ism-i şan yüzünden lutf olan ihsana bak

15Mîm-i gavrâda zuhur eyler o zât-ı muhterem

16Dikkat eyle eftah aynun görünen seyrâna bak

17Ey Niyâzî Hazret-i Hallâkı dergâh-ı Hüdâ

18Sâhib-i kevn ü mekân kudret-i Yezdâna bak