Her kimin kim aşkı yok hayvandürür

1Her kimin kim aşkı yok hayvandürür

2Gerçi kim surette ol insandürür

3Sureta insan veli hayvan sıfat

4Ma'nide ol "belhüm edal"dendürür

5Aşkı olmayan kişinin canı yok

6Samiri gavi gibi bicandürür

7Bu mişede her kişi şir olmaya

8Kimi tilki kimi aslandürür

9Her hacer la'l olmaya ey bi basar

10Kimi yakut kimisi mercandürür

11Aşıkın mihr ü vefa sıdk u safa

12İşi daim lutfile ihsandürür

13Aşıkın işi tevazu' meskenet

14Gözleri yaş müdam seylandürür

15Aşksı gör kim bahıl ü nakes ü şum

16Nefsi itin yicerür sekbandürür

17Aşıkın kalbi selim keffi kerim

18Dost yolunda canı da kurbandürür

19Aşksızın gönlü daracık söyleme

20Zemheri şiveli bir nadandürür

21Aşıkın gönlü müdam kaynar taşar

22Taşra atar dürlerin ummandürür

23Aşksızın her bir sözü bir ok gibi

24Dokunur sanki katı yaydandürür

25Aşıkın cünbüşleri tatlı şirin

26Her duası dertlere dermandürür

27Aşksızın her taati olur heba

28Aşıkın küfrü dahi imandürür

29Aşıkın varı yol içinde sebil

30Nesine hükm idesin fermandürür

31Aşksızın yeri cehennem esfeli

32Sekiz uçmak aşıka meydandürür

33Gerçi aşık sureta miskin fakir

34İlle manada ulu sultandürür

35Her kimin kim aşkı var cahil değil

36Zira her müşkil ana asandürür

37Eşrefoğlu Rumi'nin her bir sözü

38Aşk ile bir bahr-i bi payandürür