Ger ol ömrüm cihanda sad hezar

1Ger ol ömrüm cihanda sad hezar

2Sanmanız benden gide bu derd-i yar

3Ger ölem toprak ola sünüklerim

4Toprağımda buluna aşktan eser

5Ger kıyamet ola topraktan duram

6Çağıram Dost Dost deyu virem haber

7Yoğudu bu yer ü gök ins ü melek

8Aşık idim anda ben ruy-i nigar

9Ben anınla aşık u maşuk iken

10Dahi ne deyyar var idi ne diyar

11Deprenür dil yoğidi henüz dahi

12Ben anı zikr eder idim bi karar

13Şimdi bu aşktan nite ayru olam

14Çün ezelden gelmişem mest-i humar

15Mal ü mülk ü hanümanım aşkdürür

16Niderem kevneyni ben aşksız ey yar

17Gösteren aşkdır bana ol Dost yüzün

18Dost'a varur kim ki bu aşka uyar

19Kim ki andan bunda aşık gelmedi

20Oldur ol kim yürüyüp dünya kovar

21Eşrefoğlu Rumi ezelden ta ebed

22Şöyle aşık geldi hem aşık gider

23Anınçün sözleri hep mestanedir

24Mest olanlar hemişe cana kıyar

25Aşık-ı şuride dil mest ü harab

26Aşk oduna tutuşup daim yanar