Aşıkın gönlü hemişe aşk ile pürnurdur

1Aşıkın gönlü hemişe aşk ile pürnurdur

2Ol gönül nite öle çün aşk ile ma'murdur

3Aşıka herbir makam Tur her nefes mi'raç olur

4Aşkı olmayan gönüller ta ebed mehcurdur

5Aşıkın her kanda baksa gördüğü Dost yüzüdür

6Canı mest anın içindür gözleri mahmurdur

7Kafirin aşkıyle küfrü akıbet iman olur

8Zahidin sa'yi kamu aşksız heba mensurdur

9Aşk kitabın aşktan okuyan kamu ilmi bilir

10Evvel ahir aşk kitabında yazar mesturdur

11Aşk gözüne dolanur iki cihanda nesne yok

12Aşk gözüdür Dost yüzün gören dahi meşhurdur

13Gel bu aşka mahrem ol ta bulasın ömr-i ebed

14Baki devran sürmeye aşıklara desturdur

15Şah-ı kevneyn olmak istersen bu aşka ol esir

16Nice yüz bin Süleyman aşk elinde murdur

17Eşrefoğlu Rumi gerçek sen eğer aşık isen

18Sana ne korku ne gam çün sevdiğin gayurdur

19Akıle bu söz aceb gelür acebdir hem aceb

20Aşk makamına akıl ermedi ermez durur