Aşk sayrusu olanlara gelsünler timar eyleyem

1Aşk sayrusu olanlara gelsünler timar eyleyem

2İçürem aşk şerbetini Dost'tan haberdar eyleyem

3Açam batın gözünü göresün kendü kendünü

4Dost'a döndüren yüzünü alemden bizar eyleyem

5Söyündürem nefsi odın bozam tılsımının bendin

6Götürem benliği seddin ol Dost'a yular eyleyem

7Ol taş olmuş gönüllere uram aşkın külüngünü

8Ab-ı hayatı akıtam gönlünde pınar eyleyem

9Hak bu gönüller kıflının miftahını verdi bana

10Açam gönlü kilidini gencini izhar eyleyem

11Ben dalmışam aşk bahrine sataşmışam gevherine

12Ol gevherden aşıklara gelsünler isar eyleyem

13Ben Dost'u görüp gelmişem devranım sürüp gelmişem

14Dost dostlara gelsün dedi geldim ki haber eyleyem

15Kılavuzuyam ol yolun dilin bilürem ol ilin

16Cem' eyledüm kafilemi pes Dost'a sefer eyleyem

17Varam ol canlara canını ol madenlerin kanını

18Ol iki cihan fahrini kafile-salar eyleyem

19Gel bu kafileye katıl olmasun amelin batıl

20Gelsün alim gelsün cahil Cafer-i Tayyar eyleyem

21Hakikat bahrine daldım marifet gevherin buldum

22Tarikatte satam alam şer' ile pazar eyleyem

23Tuttum Muhammed şer'ini hem görklü sünnetini

24Dün ü gün salavatını dilimde tekrar eyleyem

25Eşrefoğlu Rumi ile gel Dost'a bile git bile

26Pek yapışgıl eteğine demegil kim ar eyleyem