tarikat.org1Şöyle kim bi dil ü bi can olmuşam
2Kendü ahvalime hayran olmuşam
3Gah beni ben bilmezem kim kandeyem
4Gah cem ü gah perişan olmuşam
5Gah oldum binişan ü gah banişan
6Gah nişansız mülke Sultan olmuşam
7Gah ferişteh olmuşam gahi peri
8Gah div ü geh Süleyman olmuşam
9Gah oldum Şeyh Sanan-ı zeman
10Gah tersa geh müslüman olmuşam
11Gah bulut olup hevaya ağmışam
12Gah katre gah umman olmuşam
13Gah hevadan yağmur olup yağmışam
14Gah nebat ü gah hayvan olmuşam
15Gah od u su yel ü toprak fert fert
16Gah tıyn gah tıynda pinhan olmuşam
17Gah ısı geh soğuk gahi i'tidal
18Gah damarlarda girip kan olmuşam
19Söyleyen hem söyleten her natıkı
20Tenlere can cana canan olmuşam
21Gah mescid gah sacid gah sücud
22Gah deyr ü gah ruhban olmuşam
23Gah saki gah sagar gah mey
24Gah esrük gah mestan olmuşam
25Gah Türk ü gah Arap gahi Acem
26Gah Hindu gah Yunan olmuşam
27Gah kış u gah yaz u gahi bahar
28Gah bülbül gah gülistan olmuşam
29Gah cism ü gah cevher geh araz
30Gah maadine girip kan olmuşam
31Gah berr ü gah bahr ü geh serab
32Gah imaret gah viran olmuşam
33Gah zemin ü geh zaman gah asüman
34Geh zemanı döndüren ben olmuşam
35Gah Tur u gah münacat gah musa
36Gah Firavn gahi Haman olmuşam
37Gah irad gah mürid ü gahi murad
38Gah küfr ü gah iman olmuşam
39Gah düzeh gah muazzeb geh azab
40Gah cennet gah rıdvan olmuşam
41Gah renc ü gah renclü geh tabib
42Gah nale gah efgan olmuşam
43Gah bu cümlesinden oluram beri
44Ne melek ne cin ne insan olmuşam
45Eşrefoğlu Rumi'yem ben kim bugün
46Kesret ü vahdette yeksan olmuşam
47Ben Süleyman-ı zemanım kuş dilim
48Söylerem alemde destan olmuşam
49Nisbetim yok masivallaha benim
50Bir beş on gün bunda mihman olmuşam
51Şahinem şahım şikare gelmişem
52Bu bişede gör ne arslan olmuşam
53Saydımı aldım yine döndüm şaha
54Varuben Şehbaz-ı şahan olmuşam