Ben Dost hevasına düştüm

1Ben Dost hevasına düştüm

2Özge heva neme gerek

3Başımda Dost sevdası var

4Dahi sevda neme gerek

5Ey zahid-i dünya perest

6Var zühdünü arz eyleme

7Ben aşık-ı şurideyem

8Zerk u riya neme gerek

9Ben Dost yolunda nakdümü

10Hep oynayıp öldürmüşem

11Çün gitti külli varlığım

12Havf u reca neme gerek

13Ben laubali giderim

14İki cihanı niderim

15Meylim yok sekiz uçmağ'a

16Pes masiva neme gerek

17Ben uykumu fikretmezem

18Düş görüp tabir etmezem

19Ben gelmezem ben gitmezem

20Beka fena neme gerek

21Ben mest-i ezel gelmişem

22Ben ta ebed mest giderim

23Hiç ayılmaz esrüklüğüm

24Zühd ü takva neme gerek

25Ben Dost ile peymanımı

26Elest'den ön berkitmişem

27Ben Dost'u ıyan görmüşem

28Hayal u rüya neme gerek

29Gerçi suretde insanım

30Ben sultan-ı ins ü canım

31Ben fariğ-i dü cihanım

32İşbu gavga neme gerek

33Ben Eşrefoğlu Rumi'yem

34Ben bakiyem ben kadimem

35Ben ol mür-i lahutiyem

36Arz u sema neme gerek