tarikat.org1Yüreğime Dost derdi urdu türlü yareler
2Kim tabibler ana bulmaz ne deva ne çareler
3İlla olur Dost vaslı ana derman ü tabib
4Andan özge her ne kılsam yüreğimi pareler
5Kim ezel günde Şah'a mahrem-i esrar ise
6Haldaşımdır razdaşımdır gelsin ol avareler
7El tutuşup gidelim Dost'tan yana ive ive
8Bizi bunda aldamasun işbu aklar kareler
9İlmine mağrur olanlar kaldı aşktan bi nasip
10Aşıkın bir lem'asına irmez ol biçareler
11Alidir aşk meclisi biderd olanlar eremez
12Gönlü biderdin katıdır sanki seng-i hareler
13Aşık-ı şurideler şuride şeyda oluben
14Taş gibi gönülleri yumşak muma döndüreler
15Dost derdiyle hemişe teşne dil olanları
16Dost vaslı şerbetiyle daima suvareler
17Eşrefoğlu rumi'ye sorar isen Dost kandedir
18Diye yir gök Arş u Kürs dopdoludur hep areler
19İlla görmez anı bu ten gözü can gözü gerek
20Can gözün açmağa bir mürşid katına vareler