Tâlib-i Hakk’ın devâsız derd durur sermâyesi,

1Tâlib-i Hakk’ın devâsız derd durur sermâyesi,

2Anın içün âh u zâr olur hemîn hem-sâyesi.

3Âşıkın ma’şûk yolunda derdi arttıkça müdâm,

4Artar anın dembedem akrân içinde pâyesi.

5Tâatın ihlâsa ermez ilm ile amâl ile

6İzzeti ko zilleti tut oldur anın mâyesi.

7Arz-ı vâsi ister isen kâmilin gir kabzına,

8Arş u kürsîden geniştir bir velînin âyesi.

9Ârifin gönlünü bilmez kandedir halk-ı cihân,

10Ol ki Ankâdır yere düşmez bil anın sâyesi.

11Kim ki "mazagal-basar" sultânının tıflı ola,

12Mısrı’yâ şol feyz-i akdes nûru oldu dâyesi.