Esrâr-ı tarîkata müteallik, müşârünileyh vâsıtasıyla Hz

HABÎB el-A’CEMÎ HAZRETLERİ

Ârif-i meârif-i ilahî Habîb el-A’cemî hazretleri, meşâhîr-i etkıyâdan ve Hasan-ı
Basrî’nin şâkirdânındandır. Esrâr-ı tarîkata müteallik, müşârünileyh vâsıtasıyla Hz. Ali
efendimizden ba'zı hakâyık nakl ve rivâyet eylemişlerdir. Kendisine "A'cemî" denilmesi,
lisânlarında lüknet olmasından mütevellid imiş. Basralıdır. Mukaddemleri fâiz ile
geçinirlerdi. Bir gün mescidde Hasan-ı Basrî hazretlerinin meclis-i va’zına dâhil olup,
hikmet-i Bârî ile esnâ-yı va’zında bahs fâize intikâl etmiş.

Habîb-i A'cemî fevka'l-âde müteessir olup, derhâl tevbe ederek Hasan-ı Basrî
hazretlerinden nefes-i nefîs aldı. İhtisâs-ı ilâhî ile şeyhu’s-silsile oldular. Âfâkda şöhret
kazandı. Muşârünileyhin iki vâsıta ile Enes b. Mâlik (Radıya'llâhu anh) hazretlerine dahi
intisâbı varmış. 120 târîh-i hicrîsinde (739) irtihâl-i dâr-ı bakâ eylemişlerdir.